قصيده جميله واتمنى تعجب الجميع

[معلومات العضو محمد^^التغلبى]

يا خوي لك عندي وصـاة مصيبـة = وصاتي اللي تلمس العقل وتصيــب
قضبة وصاة أخوك ما بـه معيبـة = مادام أخوك مكمل العقل ومـنيـب
هذى الليــالي ما تعلـم بغـيبـة = ولا يعلم إلا صاحب العلــم بالغيب
أخاف أمـوت ولا ظـلال تجي بـه = وتوزى لضحكات الدروب الظنابيـب
ودي تحـرص عـن بلا كـل ريبة = ويصير بك عرف وكمـال تـأديـب
ولا الـمقـدر كايـن ماأحكـي به = ما تنمحي هذا من الله مـكـاتيـب
أول وصـاتي بالفـروض الأديبـة= صوم وصـلاة قضـبهن بالمـواجيب
وثاني وصـاتي للأمـور الصـعيبة = أحزب لـها من قبـل هون وتصعيب
جرحٍ أعبـي لـه ما يكـلف طبيبه = ولا شـي إلا مـاض لـه تجـاريب
وثالث وصاتي تلعـةٍ ينعـدي بـه= تلقـى عليـها بينـات المساريــب
ليا لـقاها ذيب مـن بطـن ذيـبه = لا واحدٍ عـدا بهـا غيـر هو ذيـب
ترى هذاك العـرف من غـير ريبة = راعيه مايطلـب ولالـه مطاليـــب
ورابع وصاتي كثر الهـرج خـيبة= ترى كثير الهرج مسموج ويخيبــب
ياصار ما تجيـب العـلوم الغريبة = وعند الرجال ترتب الهـرج ترتيــب
وخامس وصاتـي خفة الرجل عيبه = ومن راكض الفرقان يركض لها العيب
ليا صار مالـك لازم لا تـجيـبـة = وان صـار لـك لازم لزوم له اتجيـب
وسادس وصاتـي بـه معزة وهيبة = علـيك بسـفن الدو حرش العراقيـب
لايعجبك منهـا الزبـد والـرويـبة = وترغـب لحوش الضأن وترك النيب
راع الغنم يشيب مـن قبـل شيبـة = والبل مـعزة تبعد الهم والشـيـب
وليا شلهـب الوقـت لو هو حلـيبه = توصلك لأيـام الفضـى والتـعاجيب
وسابـع وصاتـي كان صابتك سيبة = وتقدر على كـثـر الثمن والمطاليب
بنت الحمـولـة والأصـيل العريبة = دشرايـها بـلـد الليــالي وترغيب
اللي شرى بنت الـردي والـهلـيبـه = صبح بهـم مجنب الـربـح تجنيـب
وبالك تحب العـجـز والـعجـز خيبة = أردى الرجال اللي يذمـونـه الـسيب
عليـك بالـسقمـة ولـو هـي تعيبة= مادام لك حيـل تنـط المـقـاريــب
تـرى كثيـر الـمـال كـل حبـيبـه = يقالـه فـت جاي لو مـافعـل طيب
ولا قلـيل الــمـال شـنٍ أروي بـه = به ينلـقي عند الـرفاقـه شواذيــب
وثامن و صاتي شـرها ينـحري بـه= ترى الـدروب الفاسدة مـا بها طيـب
درب الـزنى والـعايـزة والـقريبـه = هذيل هنـه من كبـار الـعقـاريــب
واثنين من داغى عليهـن حكـي بـه = والحـكي يظهـر من أذان الأعاريـب
مداغي على عرضه مثل شـق جيـبه = ومداغي على جهه تجيـه المعاييــب
وتاسع وصاتي عـن مناقـر شريـبه = ليا صار ماهـو لـك فضي المساريـب
أخـاف لا يـبـلاك أو تـبتـلي بـه = وواحد بكم ينحر ديـار الأجـانـيـب
خلـه بالمـوارد و يـلقـى لعـيبـه = عند الموارد يكثـرون اللـواعـيـب
متعـرض العيـلات غربـل نصيـبه = أحسـب حسابـه من حساب المذاهيب
ومتعود الشيـطان حقـه غـدي بـه = ومن هـاب دشـات الملاعيب ما هيب
وعاشر وصاتـي كـان صابتك مصيبة = وبـلاك ربـك ابتـلوك المـغاضيـب
حـذري تمضـي ما تسمـي غليـبه = امض وتبين عن لحاق الـمشـاعـيب
وازبن على حصن الرجـال الصليبـه = عدك بعيطـه عـن سمـوم اللواهيـب
زبـانهـم يسلـم بـلاوي طلـيبـه = ومافـات حشـوان الزلـق للمصاعيب
ومـن غيـرها عندي وصايا عجيبه = لا فكـر الفـاهـم تنـوش المتاريـب
الكل منهن يـوم تفـطن مـصـيبه = والـكـل منهـن يلحقـنك مشاعيـب
الضيف ضيف الله هلا به حبـيبـه = له عشير بالتـهلي والـتراحيـب
قلط له المـاجود ومـاهـان جيبـه = واحلـف ورى الماجود دين المعازيب
وخويـك اللـي بالـخلا تبـتلي به = خيال ولاّ فـوق عـوج المـصاليـب
أو زودتـه ذلـوفٍ مالـه تجيبـه= أوعورةٍ يبـلا بهـا عالـم الغـيـب
اصبر وراع الصـبر مشـكور طيبه = عند اللي يدور للفـخر و الـتراتيـب

 

 

 

 

[معلومات العضو فرحان فهد ال فرحان]

لاهنت وصح لسان قائلها

 

 

 

 

[معلومات العضو مبارك الخييلي]

صح ألسان قائلها وناقلها يالتغلبي

لاهنت وبيض الله وجهك علي الجهد الملحوظ

تقبل الشكر والتقدير


مبارك الخييلي

 

 

 

 

[معلومات العضو بنت الاشراف]

صح لسان قائلها ولاهنت على نقل....

 

 

 

 

[معلومات العضو فالح بن فهاد]

لاهنت وصح السانك يالقرم بس عندي سؤال لاهنت عن الصوره اللي في توقيعك هي من ابل موافق ولالا ..

	الامبراطور

 

 

 

 

[معلومات العضو نايف الخييلي]

محمد التغلبي

صح لسانك والله يعافيــكـ بس ودي أسئلك القصيده لك؟ او من قايلها ؟

 

 

 

 

[معلومات العضو فايز علي الدوسري]

صح لسانك اذا كانت لك ولسان قايلها اذا ماهي لك وبيض الله وجهك على هالقصيدة وتقبل التحية

 

 

 

 

[معلومات العضو أبونواف الدوسري]

صح لسانك اذا كانت لك ولسان قايلها اذا ماهي لك وبيض الله وجهك على هالقصيدة وتقبل التحية

 

 

 

 

[معلومات العضو abn dhidan]

قلط له المـاجود ومـاهـان جيبـه = واحلـف ورى الماجود دين المعازيب
لاهنت يالتغلبي محمد نقلك رايع والردود اروع
ولك مني وافي التحيه وجزل السلام دمت والجميع بخير

 

 

 

 

[معلومات العضو بوحمد الحمد]

صح السسسانك

ولاهنت على الكلمات الجميله

وان شاء الله ما تحرمنا من كل جديد لك

في انتظارك مشاركاتك الجايه

دمت بكل خير

سلك سلامي واحترامي