عـلـوم الـــدواســـر

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

كيف لا .. وانتوا عصابة راسي الي ما يميـل=لو يميل الحـظ والدنيـا وكـل الكـون مـال
مرحبا ً حي الضيوف وحـي ربعـي والنزيـل=وحي من جا من جنوب وحي من جا من شمال
في بـلاد ٍ تمـن الجانـي ولا تذخـر جميـل=واسمها رمز الكرم والجود وشهـودي عـدال
تمرة الي مجدهـا بالسيـف والخيـل الصهيـل=لا اعتلاه الي عريب الساس من جـد ٍ وخـال
وجمعنا جمع الدواسر يشـدي السيـف السليـل=يكسر العظم الجليل ويقصر الـروس الطـوال
بحر ٍ امواجـه تلاطـم مـن يلاطمهـا يزيـل=وان فزع للموج موج ومـوج تاليـه الـزوال
يشهد جريس اليماني يـوم طـال بـه الطويـل=واصطفق بين الديـار ولا لقـا للجـال جـال
ليـن حـل بديـرة ٍ فيهـا يحـال المستحيـل=ديرة ٍ روس الدواسـر وسطهـا مثـل الجبـال
عاشقيـن ٍ للمنـايـا لا ولا فيـهـم هـزيـل=زبنوه مـن الشريـف وشالـوا حمـول ثقـال
والتقى الجمعيـن والجمعيـن مـا فيهـم ذليـل=واصطفت للعزوة الي شالت الـي مـا يشـال
هـذي علـوم الدواسـر جاكـم العلـم القليـل=ولو بفصلها ثلاث اعوام مـا اوفيـت المقـال
منهم الصاحب يسـر ومنهـم العـادي عليـل=وصفحة التاريـخ مـا خلـوا لكاتبهـا مجـال
والسلـوم سلومهـم كنهـا قـراح ٍ سلسبـيـل=جارهم توسم عصـاه ويرفـع حجاجـه عـدال
يطرق بلاد الدواسـر مـا يهـاب الا الجليـل=لا يضـام ولا يضيـم ولا يعيـل ولا يـعـال
ترثة كليب ٍ أعـز العـرب والـراس الثقيـل=وترثة مهلهل حصـان الحـرب وقـاد القتـال
وعمرو بن كلثوم فارسها وشاعرهـا الاصيـل=مرخي روس الملوك وطايـل ٍ مـا لا يطـال
وترثة البدران عامر حامي الغرس الظليل=وترثةالعرعيـر مـروي الرمـح وطـوال السـلال
والحبيبي ماجد الـي كـل مجـد ٍ لـه عميـل=وغيرهم صبيـان عـز ٍ مالعمـام ومالخـوال

الشكري

لاعدمنا وجودك يالسنافي

قصيده رائعه بالفعل

للشاعر الرائع: محمد بن مبارك الشرع العمور

والشكر موصول للا خ العزيز ناصر بن عبدالله بن مرزوق العمور الدوسري

اللذي أمدك بهذه الرائعه

فصح الله لسان الشاعر ملاييييييييييين

وسلمت يمين الناقل

تحياتي القلبية لمقامك العالي

محب الجميع : دغش البطي