هرج القفا يا كاسبين المواجيب!!!

[معلومات العضو فراج بن مشنان]

هرج القفا يـا كاسبيـن المواجيـب = عيب(ن) على اللي في اللقاء يعتزابه
يا ربعنا ياهل الوفا منقـع الطيـب = مهوب حق السيف يجـرح انصابـه
يا شينها لاجـات بيـن الاصاحيـب = ولا العدو ما قـد حسبنـا حسابـه

الشاعر المبدع
نايف بن مسرع

صح الله لسانك مدد ماهوب عدد ..

كتبت فابدعت ,,

تناولت احدى ظواهر المجتمع ,, باسلوبٍ سلس و قافٍ رائع ..

مشكور جزيل الشكر على طرح القصيده ,,
و الشكر موصول للاخوان الذين اصروا عليك لطرح القصيده ...

صح الله لسانك ..
و لك عاطر التحايا
من اخوك فراج ...

 

 

 

 

[معلومات العضو راشد المسعري]

يا شينها لاجـات بيـن الاصاحيـب....ولا العدو ما قـد حسبنـا حسابـه
من ماضي الازمان نرقى لصاعيـب......ومنزالنـا بالعـز عالـي هضابـه
نحرص على الطالات ما نقرب العيب.....وميقافنا في الحـرب كلـن حكابـه
وما ننتظر في حاضر الوقت تجريب......ناخذ من الماضين فعل(ن) امشابـه
فينا الولد يمدح إلين أبيض الشيـب......يظهـر بوجهـه لاتقافـا شبـابـه
ولامـن تغربنـا حـداد المخاليـب.......ما نرتضي بالهون واللـي سعابـه
وخوينـا مـا يلحقونـه عذاريـب.......يفخـر بخوتنـا ويمـدح جنـابـه
ويفرح بنا اللي حاديتـه الكواليـب.......نفـك قيـده ويتهـنـى شـرابـه
وما نلتفت لاهل الحكي والشواذيـب.....نرقا سنـود وضدنـا فـي عذابـه


نايف بن مسرع أو الشامخ وقصيدة شامخة وصح لسانك وبيّض الله وجهك ، ومثل ما قال المثل من طول الغيبات جاب الغنايم ، طال انتظارنا والمنتظر مل صبره ، لكن تيسرت ومثل ما قال المثل مابطى بالسيل إلا كبره .

عز الله إنها قصيدة وافية وأنا من الناس اللي يطالبونك بالمزيد من ما لديك من مثل هذه الدرر ، فالحمد لله ما على هذا المنتدى وخاصة قسم ا لشعر خوف وأنت وأمثالك من الشعراء موجود.

لك مني كل الود والتقدير ، وإلى الأمام