يا للي تعذل القلب لا تقصاه!

[معلومات العضو المسعري]

المشاركة الأصلية كتبت بواسطة نايف بن مسرع

بسم الله الرحمن الرحيم

أهدي هذه المتواضعة لرواد هذا المنتدى عامة ، ، ، وللأخ العزيز/ أبو محمد الودعاني ( من إدارة المنتدى ) خاصة: ـ

حلم قديم

يقولون حلمك يم غيرك تسير اخطاه=كثير الحلوم ومطلبك صعب تحظا به
وكلن على بيره يحسّب لطول ارشاه=لزومن تفوق وموقفك تحسب احسابه
وانا قول ياللي تعذل القلب لا تقصاه=كفا به صوابن بان في القلب مضرابه
وخله يسج بحلم ليل(ن) عليْ مسراه=يقرب بعيد(ن) واقشر الحظ ما جابه
أسامر نجوم الليل واسلى مع ذكراه=واخاوي نسيم الشوق وآقف على بابه
أزاور لطيف الروح واجيه في ممساه=واقضّي معه وقت من الليل يسلا به
إلى من تبين يخجل الليل من قمراه=ولا منه سلهم يسلب العقل باهدابه
ولا من تبسم ياخذ القلب حمر اشفاه=وبياض الثمان بحمرة الورد تزها به
وجديل(ن) يقضه يدفي الردف لا ثعاه=وحياة الشقاوي تبتهج لا تلوى به
أضمه واقول إياك والحب لا تنساه=وحذرا تبوح السد والسر يدرا به
ألا يا عذولي ليش قلب العنا تنهاه=وقلبك خلي(ن) من عنا الحب واسبابه
أبحلم..واسافر..واتبع الحلم لين اقصاه=واسلي خفوق(ن) مسلك الحب ما عابه
وبرحل بعيد(ن) عل حلمي يجي والقاه=وباترك كتاب الحب للناس تقرا به

[/frame][/poem][/list][/list]

من طول الغيبات جاب الغنايم

الاخ الشاعر نايف بن مسرع

لله درك من شاعر تصخر القصيده على كيفما تريد

لك من اسمك نصيب ايها الشامخ

 

 

 

 

[معلومات العضو نايف بن مسرع]

دغش بن بطي

حيرتني يا طويل العمر ، والله معاد أدري وش أقول

لكن من أبسط حقوقك علي الاعتراف بأني أنا المتشرف بأنك أول من قرأ وعلق على متواضعة أخوك الصغير ( نايف ) ، ويشهد الله على ذلك ..

وجعلنا ما نخلا منك يا ( حبيب الجميع ) ولا هنت

 

 

 

 

[معلومات العضو نايف بن مسرع]

أخوي الغالي ( رجوم الشياطين ) جعلك سالم وعمرك طويل ولاهنت

مرورك مفخرة ، وتعليقك عزيز ..... جعلك ذخر والله يكفينا ويكفيك شر الشياطين ورجومها................... ودام بقاك .

 

 

 

 

[معلومات العضو نايف بن مسرع]

(أبو مبارك المسعري) الإسم الرنان في هذا المنتدى ، شكراً لمرورك وجميل تعليقك وعسى الله لا يحرمنا منك ومن الطيبين اللي شرواك ،،. ودمت سالم

 

 

 

 

[معلومات العضو نايف بن مسرع]

الشاعر الكبير ( المسعري ) ألف شكر لك على جميل مرورك ولي الشرف بكل حرف كتبته

 

 

 

 

[معلومات العضو نايف بن مسرع]

الغالي والشاعر ( ماجد بن مهنا ) تشرفت بقراءة تعليقك ومرورك والله يعطيك ألف عافية على مشاعرك الطيبة.