الشاعر أبن هادي القحطاني يمتدح الأمير عبدالعزيز بن حزام العجالين

[معلومات العضو حفيد الأمراء]

بسم الله الرحمن الرحيم

هذه قصيدة جزله

للشاعر الفحل خفران بن هادي القحطاني

في مدح

الأمير عبدالعزيز بن حزام العجالين

يقول فيها

سلام مني عد مالاح براق=على الرجال أهل الوفاء والكرامه
على العجالين الرجال أهل الأخلاق= الي بطلهم يعجبك في مقامه
((العزوه الي كل ماخاطري ضاق= لاجيتهم يجلون عني الغمامه))
من طيب مجناهم لهم طيب دفاق=واخص أنا عبدالعزيز وعمامه
عبدالعزيز الي على الطيب سباق=نسل الرجال أهل الكرم والزعامه
((عسى المزون الي بها البرق شعاق=تمطر على الفرشه وتنبت خزامه))
أبوحزام الي له الطيب مشتاق= الله يعزه لانهار القيامه
أنتم هل الناموس حقن بميثاق=والي يعاديكم حياته ندامه
((الجد عجلان مع حزام الأوفاق=فتح الرياض مسجلين وسامه))
أنتم وحنا من على عصر الأشراق=عهد النبي واسحاق عليه السلامه
ماقلتناها بالقصايد والأورق=قلتها وأنا الي مارجع في كلامه
هذا كلامي من ضميري والأعماق=الله يعز أهل الوفاء والشهامه
وآخر كلامي اليوم أنا خاطري فاق=الله يعز الدين ويخزي خمامه

 

 

 

 

[معلومات العضو ناصر بن فهد]

صح لساان ابن هااديُ
ويستاهل الامير عبدالعزيز بن حزام العجالين .. الطيب والمدحُ
ولاهنت يا حفيد الامراء ُ على النقلً وبيض الله وجهك

 

 

 

 

[معلومات العضو حفيد الأمراء]

الأخ العزيز

ناصر بن فهد الدوسري


شاكر لك


على هذا المرور المشرف


والذي نور المشاركة وجملها


ولاعدمناك