الملحمه الدوسريه (2) للشاعر :- سفر بن علي بن منيف آل بريك الدوسري

[معلومات العضو أبوفهيد الودعاني]

المشاركة الأصلية كتبت بواسطة الشكري

يالله ياللي ما أغلق الباب دون المستجاب = يا كريماً كل الأمه جـمـيـعاً تـــســـــألــــه
طالبك غفران ذنبي وتخفـيـــف الـــعــذاب = والثبات لعبدك اللي حفيظه يــــســـألـــه
لا بغيت أقول قأولي على حـســناً و آداب = والكـلام الخجل هـذاك مـاني قايـــــلــــه
عقـب ذا بطـلت للمستمـع تـسـعين بــاب = شي عنـدي له جواباً وشي أجـــهـــلـــه
أنت يالـسـايل تـنـبـى ويـاتـيـك الــــجـواب = سمي الوادي علينا وحن ترثة أهــلــــــه
حنا أهل العادات لا جات حزات الصـــــعاب= الـزبـيـن أنـزبـنـه والــقــــصــــيــــر نـدلله
أنـشـد بن مـطـرف يـوم ريّـب واســـتــراب= وعلم اللي جاهلاً في بقايا المـــســألـــه
وش عند وسيم وأن حرمت زين الــخضاب = تلعن الحرب المسمى على سبة أهلـــه
حن رسينا في وطنا كما ترس الهـــــضاب = ما يـزعـزعـنـا الـنـذر والـحـكا والـدهـولــه
لا ركبنا فوق قحص الرمك والحض طـــاب = نـعـجـب اللي فوق عـوج الحنايا مـذهلــه
منا أهل عشر الركايب مناجيب النـــــجاب = وردوهـا كـل صـبـيـاً يـبـي سـمـعة أهـله
ووقفت أبن حفيظ عند الركايب في صواب = فرزن الربع القليل بفــــعـلً ما أجـمـلـــــه
والغيثي وقفته تجعل الشايــــب شـبــاب = لحقوا الظفران والجيش عيووا به أهـــلــه
من عيال صهيب نعمـاً لـيـا رد الـــجـــواب = مـــرويـــة حـــدب الهــنادي بعله ونــهلــه
وألاد سالم محزم المحتزم ربعاً حـضــاب = كل علماً زين منهم وحيث أنـــهــــم أهــله
ولا أعـتزينا المسعريه نـجـري من يـهـاب = كم عدواً لا تبيّن نـــحـــانـــا نــــــدقـــلــــه
وكم شباباً من سبب حربنا والرآس شاب = خص به لا جا لحس الثمــــيدي زلـــزلــــه
وحن عيال العود جرياً اليا أصطك الحجاب = أنـــــشــــــد الـــتــاريـــخ منا وينبيك بهلـه
ألاد أبو عبدلً لا جا الزهم عــند الــركــاب = غـــطـرفت من زين الأفعال كــــل مــــدلله
حـن مصالية الحرايب وولد الآش هـــــاب = والنمش تبغي يماني رجالاً تصــقـــلــــــه
شارع بن قويد خاض المنايا ما يــــهــــاب = تــــعــــرفــه حدب الهـنــادي وبره وسهله
والقضيع مبارك جاره الله من الــعــــذاب = جعله الله في جنان الخلود بـــمــنــزلــــــه
مــــنـــــوة الضيوم لا صك ناباً رآس نـاب = يمـــتـــنــــي خالي أليا صار كلاً هـــمــــلـه
عقب ذا صلاة ربي عدد منش الســحاب = عد ما هلت مــــزونـــه ومـــا هـــل هملـــه

صح الله لسان الشاعر الكبير سفر بن علي بن منيف آل بريك الدوسري
وبيض الله وجهه كفا ووفا وجزله من جزل وقصيده طيبه من رجال اطيب
الاخ العزيز / عبد الله ال بريك
ابيض وجه وتسلم يمناك على القصيده النادره
ولك جزيل الشكر على علومك الطيبه
وانت الشبل وابوك الاسد
ما قصر وافي وكامل الوفا
ولا تحرمنا من مواضيعك الطيبه
ترانا طامعين في علومك الطيبه
بارك الله فيك
اخوك
ابو عبد الله الشكري

لاعدمناك يابن العم عبدالله ولاعدمنا مواضيعك وعلومك الطيبه

تحياتي ولاتبطي بجديدك ،،،

 

 

 

 

[معلومات العضو سعد آل بريك]

	عبدالله الله لايهينك على نقل قصيدة الشايب جعل عمره وعمر الحاضر طويلاً على عز وطاعه وترانا مناب عاذرينك في باقي روائع ابوعبدالله فلا تبخل بها علينا

.

.

.