طاروق مشعل الشيباني+ محمد بن فالح

[معلومات العضو دندون]

مساء الورد لأعضاء وزوار منتدى قبيلة الدواسر
وعندي لكم الليل طاروق رائع لشاعر مشعل الشيباني
مع شاعرنا محمد بن فالح
مشعل
مرحبا بلي عرفناه عبر التلفزون
شاعر يجمع حطب نيرته ويشبها
ياوسيع المعرفه يالعلك ماتهون
ماش عله تنخلق قبل يخلق طبها
محمد
البقا ياعيال مشيب عساكم تسلمون
عدة غصون ليا جا الهبوب يهبها
ودي اعلمك درسين في كاف ونون
والعلوم الخافيه عارفين نبها
مشعل
ياعسا دار الدواسر تساقيها المزون
دار خطلان اليماني شعفني حبها
انت تدري اني عتيبي وغني كل لون
كل مهره في يدي مهرتي ولعبها
محمد
العلم مرفوع والراس تحمله المتون
كل دار وهلها في حماية ربها
يابن مشيب لاتغيرك كثرات الضنون
والعلوم الي تقص الصداقه كبها

 

 

 

 

[معلومات العضو شافي بن راشد النتيفات]

اعجبني رد ابوفالح فتل ونقض رائعة جدا
صحت السنت الشعراء
ولاهنت يادندون على النقل

 

 

 

 

[معلومات العضو ابو زابن المسعري]

فتل ونقض من شاعرين كبيرين

صحت السنتهم

ولاهنت على النقل

 

 

 

 

[معلومات العضو راشد المسعري]

لاهنت يادندون

بيض الله وجهك ووجه محمد بن فالح ورفيقه الشيباني

طاروق مميز ورائع وياليته طول شوي

والشاعر الشاب محمد بن فالح ينتظره مستقبل رائع بإذن الله في ميدان المحاورة

وأتمنى له التوفيق والاستمرار بالاحتكاك مع كبار الشعراء

 

 

 

 

[معلومات العضو مبارك بن شافي النتيفات]

لاهنت يادندون على النقل الجميل

شعراء مميزين استمتعت بأبياتهم

تحيااااااااااااااااااااااااااااااااااتي

 

 

 

 

[معلومات العضو دندون]

لاهنتو جميعا يعطيكم العافيه على المرور