التغطية المصوره لحفل الشيخ بادي بن ناصر آل بوزمام لقبيلة البقوم

[معلومات العضو الكاتم]

المزنه اللي مـن أيـام اتحراهـا...ارزم رعدها عصير ولاح بارقهـا
وسمية ٍ تروى الضميان من ماهـا...يضحك لها وجه مغربها ومشرقها
أسوق عطر الثناء علـى محياهـا...وارفع لراع اوفاء الثابت بيارقهـا
سلام ياراعي الجزلـه ومنصاهـا...متعب هل الطيب مع دربه ومرهقها
تمد له كل خصلـة طيـب يمناهـا...خصائل الطيب عاشقته وعاشقهـا
شيخ ليـا كبـرت القالـه تبناهـا...يحـل معقودهـا ويفـك ضايقهـا
الكايده ما يجيها الآ مـن أقصاهـا...والمستحيلـه بوقفاتـه يحققـهـا
يمنـاه وسميـة ٍ تمطـر رفاياهـا...هتانة ٍ سيلهـا الجـارح يسابقهـا
وقفات بادي سمعناهـا وشفناهـا...كم من رقاب ٍ بمعروفـه مطوقهـا
قصايد المدح فيـه يليـق معناهـا...وقوافل الشكر تعلن لـه حقايقهـا
قل للدواسر من أقصاها الى اقصاها....تخلد اسم الزمامـي فـي وثايقهـا
والاد زايد ليا جاء طاري اسماهـا....قوم ٍ لكسب الجميـل الله موفقهـا
البدو ترعى مزارعهـم رعاياهـا....يجي لهم كل راعـي ذود سايقهـا
ربع السنه عندهم ماها ومرعاهـا...فعل الدواسر عن العربان فارقهـا
ومن شك ينشد عن علومي ويلقاها....والآ يزور الدواسر فـي مناطقهـا

الله الله
كفو والله يابو ناصر
جملتنا الله يجمل حالك
من قدم الطيب يلقاه وانت راعي طيب والدليل استضافتك لقبيلة عريقة مثل البقوم
الطيب والعلوم الغانمه متبادله بين القبايل وعيال الحمايل
بيض الله وجيهكم على الحفل المميز
وعساكم على القوه