سجـــــــل حضــــــورك ببيـــت قصيــــــــد ..

[معلومات العضو حمد ابن فهد]

الضيق في صدري كسر حاجز الصمت
فجـر براكيـن الكـلام وحاكـانـي
ماطاب لي خاطر حسافـه ولا نمـت
كلـه سبايـب همـي اللـي حدانـي
البارحـه مليـون مــره تآلـمـت
دآويت جرح وبآن لـي جـرح ثانـي
ماهي غريبه لآانجرحـت وتبسمـت
دام الوفـا مالـه مكـان ومـوآنـي

 

 

 

 

[معلومات العضو حمد ابن فهد]

ابوس راسك يازمـن لـو تكرمـت
كآفي ولـك منـي جزيـل امتنانـي
أثر الكلام احيـان يغتالـه الصمـت
وأثر اللسان أحيـان ماهـو لسانـي

 

 

 

 

[معلومات العضو حمد ابن فهد]

تدري وش اللي آحسه : مع الضيق
آحس إن الضيق مخلوق لي خص

لا جيت أفضفض بـهم التشاهيق
آحس في صدري صدى يقول لي آص

 

 

 

 

[معلومات العضو حمد ابن فهد]

ما للرفيـق إلا رفيقـه ليا اعتـاز
امـا نـفع ولا بـلاش الرفـاقـه
احـدن لنا في مكسـر الساق عكاز
وحنا لـه العكـاز في كـسر ساقه
بعض العرب اسكب على صحبته قاز
واحـرق غـلاه ولايهمك فراقـه
وبعض العرب شرواك بالطيب يمتـاز
حطـه على يمنـاك مكسب صداقـه

 

 

 

 

[معلومات العضو حمد ابن فهد]

المراجـــــل يهتويـها مداغيش العــيال
بالقلوب الصــاملہ والعقـــول الزاگيہ

يوم ولد الـلاش يرفـق لـ عــباد الريال
فوق مرگا الهون طول السنہ متراگيہ

أستـهانوا بالمواجيب وحقـوق الرجال
لين راحـت سمعت اللاش گحلة باگيہ