هذي قصيدة الشاعر: سالم بن خصيب الغييثات
لعل السحاب الي تلاحم شمال وغرب
يعم الجزيره كلها صادقن صوبه
صدوق المزون الي مطرها حقوق وصلب
مطر خير مابه برق ورعود مصحوبه
تشوف السواري من المطامن هجيجً هرب
وتعلا كبير الضب في راس مشذوبه
وراعي الجيب حاز من الدهو مالقاله درب
على البطن حول والبطن تزعج دعوبه
ثما نجمتن والسيل ماينقطع له درب
تعدا حرور ومن نزل فيه هنوبه
جميع الملازم من فاضة وكلن شرب
هل حرور والقهام وخريص مع جوبه
مداهيل وضحاً عند ربعي دروع الحرب
عليها القلايد جات من القوم مكسوبه
قناطيش وضحً من قناهن يشوش وطرب
غزوهن وجابوهن على كل مركوبه
خزايز شيوخً لاخزت ماتجيب الجرب
يجيبون من تزها قلايدرودبدوبه
خذوها على وضح النقا بسيوفً حدب
ومطارق فرنجيات من الخبو مسلوبه
بني عمي الي كل منهم شجاع وذرب
غييثات واعزيل من ميلو صوبه
وزمان القشر ولا ولعادبه حرب وضرب
عسى الله يديم الامن والي تواصوبه
لو لا الله ثم حكامنا قد كلينا الصرب
ترانا بخير وغيرتا شعوب منكوبه
16-07-2016, 08:11 AM
رد: قصيدة في فخذ الغييثات من الدواسر للشاعر "سلوم"
العرض المتطور
المواضيع المتشابهه
