اشوف الملعبه في المنتدى ياحضرة الشعار=بها نقص كثير ووضعها مهوب معجبني

[معلومات العضو عامر النتيفات]

الأخ العزيز / فارس الكلمة
.
مرحبا بك ويسعدني اللعب معك ولكن لتعلم اخي العزيز
ان هذه المحاورة ليست مباشره وذلك لاختلاف الظروف والمجال مفتوح
يعني حسب الظروف وفضاوة الشخص
.
وستلم لاهنت
.

يدوم ابك البقا ياللي ترحب ياعسى الغفار = يوفقنا جميع وشد حيلك وستمع مني
تثبت وكرب حزامك وانا بكشف الاسرار = لكن كل حسب ظرفه ولا تسهر وتسهرني

 

 

 

 

[معلومات العضو عامر النتيفات]

الغالي ابو السلاطين
.
ابو زابن
.
ياهلا ومرحبا فيكم تواجدكم اسعدنا
.
.
وسام العصا
هلا بك ويشرفنا اللعب امامك
ولكن الازدواجيه قد تقلل الاثاره وباذن الله القادم كثير وسوف نلتقي مع بعض يالالي

 

 

 

 

[معلومات العضو الواضح]

عاشوا الشّعار


والصفوف الصفوف


نبيها ذا الليل مدهره

 

 

 

 

[معلومات العضو ابوحاجوووونه]

مساك الله بالخير جميعاً


لاهنتو ياشعارنا الغالين

وانا ثاني الصفوف روحوا ونا معاكم

واصلوا ونسونا عساكم بالوجود

 

 

 

 

[معلومات العضو فارس الكلمه]

اخوي عامر مرحبا ومسهلا وعلى كيفك لاتسهر وتسهرني


واستلم

انا باسمع علومك يارفيقي والعلوم اكثار=وتطّرق للامور اللي تطربك وتطربني
واشوف ان الحباري طايره ماصاده الصقار=وعلى مهلك وعطنى العلم لاتزعل وتزعلني