الناس ترفعها المراجل والاخلاق

[معلومات العضو نمر بن الأشيب]

والناس ترفعها المراجـل والاخـلاق=يوم الـردي كسبـه عـداوة رفيقـه
رجل(ن) يجي لقرابـه اظـلال ورواق=تجذبـه للطيـب الاصـول العريقـه
ورجل(ن) يلامن طاب طيبه تلصمـاق=مثل السـراب يـزول عجـل بريقـه
ورجل(ن) مجاله بالثنا يشرق إشـراق=ورجل (ن)كما جمة قليب(ن) عميقـه
ورجل(ن) نظر عينـه رفيـع للآفـاق=ورجل(ن) عيونه في الأمـور الدقيقـه
ورجل(ن) براسه من الصواديف دناق=يروغ منها لـو تجـي فـي شقيقـه
ورجل(ن) يلا نشفت من الحمل الارياق=يشيل حمـل اللـي عجـز لا يطيقـه

ابن العم
الشاعر الكبير
عبدالله بن مرضي الجماعين

إبداع في إبداع
قصيدة نرى فيها سبك الكلمات وأختيار المعاني الجزلة
وافي يا بو مرضي والله يعطيك العافية
ونرجو المعذرة إذا قصرنا في وصف هذه الرائعة

___________

 

 

 

 

[معلومات العضو عبدالله بن مرضي الجماعين]

اررررررررحب يابن الاشيب

يامرحباً بك يابن الاشيب تراحيب= حاتم يلا بانت وجيه الظيوفي
لاهنت ياراعى الوفا والمواجيب= يلي يلامن قال بالقول يوفي
مرورك اكبر مطمعي والمكاسيب= واسمك هو المقصود وأمتاع شوفي
وطيبك تعدى مرحلة مادح الطيب= مثل العلم عند الجميع معروفي
حر تعلى نايفات المراقيب= وهداده أعجل من هبوب الشفوفي
وأقبل تحياتي مثناه يالذيب= اعداد ماهل المطر من القنوفي