|
|||||||
26-06-2005, 08:12 PM
|
#1 | ||||
|
ياراعي الــــــوادي + عسانا نصيب الذاهبه
السلام عليكم ورحمه الله وبركاته
عليك الملامه يازمن صرت لك مجبور=وانا اللي ورثت الطيب من سالف اجدادي ورثت المراجل من زمان وقديم واعصور=يوم فيه سيف ورمح وحراب وجهادي ألا يازمن من ناسك بليده فكر وشعور=غدا عندهم قل الوفاء حاجتن عادي وانا ابغي زمان راح ليت الزمان يدور=ليت الزمان الاولي يرجع الغادي ويا أبو محمد كم تمنيت اشوف النور=ويامابكت عيني على شوف بلادي أبي اشوف الديره واهلها وانا مسرور=واحسب العرب مثلي على شوفي تنادي ولكن يوم جيت وشفت مريت مر اعبور=وتمنيت ليت القوم مافكو اقيادي وقلت العفو والله لوني كثير اقصور=لاقول اني استاهل وانا الاول البادي عيال النعامه مثلها والصقور صقور=تجيب الحرار احرار ياراعي الوادي وانا ياحسن ماغيرك أبدي له المستور=سوى اللي رفع سبع سميكات وشدادي زمان مضى كلن رفيق وطويل اشبور=لكن يوم جاء وقت اللوازم فلا فادي ولاعاد باقي الا انت ياذخري المذخور=ليا قلت لي حاجه تقول انت سدادي ويالله عسى عمرك يجي طول عمر الطور=آمين استجب يالواحد الوالي الهادي تقبل تحياتي وانا اقول لك مشكور=صديق (ن) صدوق(ن)غايتك غايه مرادي
هلا مرحبا بكتاب من بالصخا مذكور=هلا ياسلايل لابتن تصخر العادي
هلا بالجواب اللي حوى من العزيز سطور=هلا من غلا في ذمتي داخل فوادي وساعه قريت الخط فزيت به مبهور=ورحبت به ترحيب حاتم والمهادي هلا مرحبا به عد ماغرد العصفور=وعددمامشى فوق البسيطه من أعبادي وعدد كل قاف بالجرايد ظهر منشور=وعدد ماتغنى بالشعر كل قصادي تراحيب راعي الذود بالبارق الممطور=عقب السنين الممحله سمع رٍعادي هلا ياجواب الراجح الوافي المنعور=جوابك كساني بالفخر يابن الأجوادي جواب حمل لي من القصايد ثمر وزهور=قصيد تعطر بأجمل العود والكادي وتمعنت في ماسطر إيراعك الممهور=لقيت الدرر مع طرق الأبيات متقادي ومثل ماعهدتك ماتغيرت رغم الجور=حليم حكيم دايم أرموعك أبعادي صحيح أنك شاعر والقصايد بها دكتور=جميل المعاني لك على الكيف تنقادي وترددت يالمنعور في ردي الميسور=وانا كيف اجاوب شاعر عندي أستادي وتجبرت بالله ميسر كل شئ معسور=كتبنا جواب الرد عقب التردادي عسانا نصيب الذاهبه وكل شئ مقدور=على حسب ظن اللي زهمني بالوحادي خواطر تخطر بخاطري شارده وحضور=تلبي نداء من صرخته باسمي أوكادي عساها تجمل من كتبها بصدق سبور=معا من حشا ماشفت له بالملا اندادي ولايابن شافي دوك مابالضلوع جهور=روايا تراودني تجي جمع وفرادي على طول سبع عجاف زدها دبل بالفور=وانا عايش فاقد دليلي والارشادي وانامشي مشيت حاير الفكر كالمسحور=أجر الخطى مابين حادر وسنادي ومالي هدف واضح بها الوقت مالي دور=وعلى هامش الدنيا تقبلت مقعادي قبلت ورضيته يابن شافي وانا مظرور=ادارج زماني كود احيله وينصادي ادارجه بأسلوب لأهل ذا الزمن دستور=غدا المكر والحيلات سلم لهم سادي اسلوم بالاول عندك وعندي انها عور=على مافطرنا الله نعرف التحشادي تبدل تبدل كل خبرك وجات امور=وجانا زمان يذهل اللي بالامهادي زمان يروع مايفرق صقر ونسور=وفيه استوى شيبوب هو وابن شدادي وفيه أصفر العرقوب من الكير راكب الكور=وتعلى الاصايل عقب ماكان حدادي وتخالط به الحابل مع النابل المطيور=ولا تعرف الصادر ومن كان ورادي وماتعرف الصادق ومن فيه راع الزور=رفيق الضحى تالي نهاره لك معادي صدوق النوايا طاح كرته بنار تفور=ونظيف الضمير بحيّهم ماله اقعادي وانا منه الا واشيب عيني نويت اثور=واثور عسم ماراح لي رغم الارصادي مادامك معي ياسيفي الباتع المنصور=باشق الصفوف بسيفي اللي من غمادي وانا كيف اهاب ومسندي راجح المشهور=سليلة سلاطين الفخر سقم الاضدادي عطيب الضرايب ماكره عاليات القور=حرار تعلت بالنوايف بالامجادي ومن لاذ في السبعان مايضطهد مقهور=ويضوي بهم ويصبح الصبح بأسعادي ويسرح ويمرح في حماهم دخيل الدور=رجال فعايلهم على روس الاشهادي كفى ماحصل مع مقدمك أنتهى المحظور=وتوارى شقى سود الليالي والأنكادي لزوم نعيد الحق لنصابه المبتور=ونعيد النظر بالأمرمـ الألف للضادي ونهاية جوابي جاك مكتوبي المنظور=يحمل السلام الحار والشوق وقادي
|
||||
|
|
|
|
26-06-2005, 10:42 PM
|
#3 | ||||||
|
صح لسانك وبيض الله وجهك يالودعاني على هالقصايد الجزله
|
||||||
|
|
|
|
26-06-2005, 11:13 PM
|
#4 | ||||||
|
|
||||||
|
|
|
|
27-06-2005, 12:21 AM
|
#5 | ||||
|
الأخوان :
ابو زيد الغييثي بن مشخص المسعري أبوفهيد صحت أبدانكم وشاكر لكم على المرور والتعقيب تحيات // الوحيد
|
||||
|
|
|
|
27-06-2005, 01:54 AM
|
#6 | ||||||||
|
ابن بطحيه الودعاني
مجاراة رائــــعه صـــح كــــلك مليـــــــوون ولاهنـــــــــت ,, أختـــــــكـ
آخر تعديل بحوور يوم 27-06-2005 في
01:57 AM.
|
||||||||
|
|
|
|
27-06-2005, 03:01 PM
|
#7 | ||||||
|
صح لسانك اخوي ابن بطحيه وصح لسان الشاعر راجح السبيعي
آخر تعديل أبوفهيد الودعاني يوم 28-06-2005 في
01:39 AM.
|
||||||
|
|
|
|
28-06-2005, 02:46 AM
|
#9 | ||||
|
صح الساااان الشاااعر السبيعي وصح السااااانك يا ابن بطحيه ......
|
||||
|
|
|
|
29-06-2005, 12:26 AM
|
#10 | |||||
|
|
|||||
|
|
|
|
29-06-2005, 12:27 AM
|
#11 | |||||
|
[align=center][U] [font=Arial Black][size=4]
اقتباس:
صح بدنك ولاهنت على المرور تحياتي ،
|
|||||
|
|
|
|
29-06-2005, 12:29 AM
|
#12 | |||||
|
اقتباس:
رئيسنا العزيز رايك وسام شرف أتقلده وشكرا للشعر الذي عرفني بك وقربك مني أرجو ان اكون اهلاً لما قلت وأحرص على النقد قبل المدح تحياتي لك ،
|
|||||
|
|
|
|
29-06-2005, 12:31 AM
|
#13 | |||||
|
اقتباس:
صح بدنك وبيض الله وجهك وشكرا على مرورك
|
|||||
|
|
|
|
29-06-2005, 08:24 AM
|
#14 | ||||||||
|
صح لسانك اخوي حسن
|
||||||||
|
|
|
|
29-06-2005, 11:52 PM
|
#15 | |||||||||
|
اقتباس:
صح بدنك يادغش ولاهنت على المرور
|
|||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:32 PM
