ناقتي يا ناقتي ماعليك من الهروج ( فيديو + كتابيه )

**معلومات** **العضو** · 09-04-2008, 08:16 AM

للقصيدة

لمجارات القصيدة

ناقتي يا ناقتي ما عليك من الهروج = صيحتين في قفى الذيب تقفاها العجاج
العدل يبقى عدل والدروب العوج عوج = والعمام الأمعه من فعل كفه سراج
يا مكثرة الحكي والفعايل عوج هوج = ما يحذف الناس من كان بيته من زجاج
يا حمد طير جناحه ورى صدري يروج =ويش اسوي كانه افلت من اضلوعي وراج
.=.
.=.
مولدي في ارض عبقر من العام محجوج= انشدوا عن مولدي ليلة الحج ألف حاج
المطالب يا حمد دونها ضرب الفجوج=دونها شربك قراح مثل شربك هماج
ما ثنوا عزم ابن عباس اصحاب البروج = لين زوجها من اعزب حدب سيفه زواج
والدهر معنى دخوله من الداخل خروج = والله لزبن دخيلٍ ولا سنع خراج
.=.
.=.
يا حمد لا تأمن الجدب في خضر المروج = مزنة العذب الفرات امطرت ملح اجاج
ولولا قولة والنعم ما اعتلوا فوق السروج =امة قبلك خبر حيها في الأرض داج
لا تعجب من علوج توطتها علوج =والله ان الشر للشر احياناً علاج
في جنوب افريقيا البيض ياطون الزنوج = وفي شمال افريقيا البيض ما ترفع حجاج
.=.
.=.
باترفع عن رجال على الهينة تدوج =عالم رامت مرام الصقور وهي دجاج
قيصر من فوق فوج وكسرى فوق فوج = والجماعه بينهم راكبين فوق صاج
وش نبي في هامة همها ضحكة غنوج =أو قيامة قامة ما تقوم عود عاج
أحمد الله يوم لي من خيال الموج موج = اركب الهاجسي في البحر تحتي وماج
.=.
.=.
ما تصفحت الليالي تصفح كتالوج = لين مع كل حادث ذي حدش عشرى مزاج
العقيلة ما تبي غير ابن حربان زوج= يوم حاجات الذيابة غدت عند النعاج
ساقي النشوى لها من خروج في ولوج= كم أنال الصحو منها شديد الإحتياج
يا حمد مسيار ربعي عليه فوج فوج =غايتي يوم الردي غايته نجمه وتاج

**معلومات** **العضو** · 09-04-2008, 08:23 AM

للتحميل

**معلومات** **العضو** · 09-04-2008, 12:41 PM

ونعم في ولد بن تميم بس الفراعنه يستحق البيرق بدون قياس, الله يوفق الجميع

**معلومات** **العضو** · 09-04-2008, 02:51 PM

غش في غش

برنامج فاشل

**معلومات** **العضو** · 09-04-2008, 05:32 PM

أبــو فارس شاعـــر الثقلين

لايهمونك ولاتلتفت لشعار الرسايل

**معلومات** **العضو** · 09-04-2008, 07:16 PM

عفواً , هذه القصيدة متى قالها ؟
في الحلقه الاخيره ؟

وعلى العموم ,, جزاك الله خير!
ولا هنت على نقلها ,,

وناصر ,, كان يستاهل الفوز !

**معلومات** **العضو** · 09-04-2008, 11:33 PM

برنامج الفشل الله يعطيهم الدنميت

لاهنت يا مستشاااااار

**معلومات** **العضو** · 09-04-2008, 11:53 PM

المستشار

سلمت يمينك ويعطيك العافية

ومايحتاج المليون لناصر كسب أكثر من المليون وهو حب الجماهير

تقبل شكري والتقدير

**معلومات** **العضو** · 10-04-2008, 02:21 AM

برنامج فاشل وكله غش × غش

وماأشهر البرنامج الا الفراعنه وجمهوره لكن الله حسيبهم

أعجبني رد ابو فارس بالقصيده :

يوم حاجات الذيابه غدت عند النعاج

والله انه فوق مستواهم ولاّ الدعوى كلها شرشف أحمر

لاهنت اخوي وبيض الله وجهك