لافاعـل ٍفعلـك ولاهـو مجنـبـك !!!!

**معلومات** **العضو** · 07-04-2009, 02:24 PM

قصيدهـ للشاعر ...رشيد الزلامي

عجيـب ياقلبـي وعجبتـك دوبــك=ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك=ماادري بخلان الرخـا وش مرغبـك
وش ولعـك فـي نـاس ما قلدوبـك=ولاثمنـوا حقـك وقامـوا بواجبـك
ربعـاً يذريهاالـذرى عـن هبوبـك=خسران لوتشكـي عليهـم مصايبـك
وان حصلـوا مقصودهـم ربعوبـك=سووا لك الخط الزلـق ليـن يقلبـك
وعندالنهايه برقـوا وضحكـوا بـك=كمن ضحـوك ٍيستغيبـك ويشذبـك
اليـوم صدقانـك وباكر حكـوا بـك=وبعدالرجـا منهـم تكدر مشـاربـك
ومالو بسـوق المهزلـه ونزلـوا بـك=ضعاف العقول اللي تسولف على الدبك
يحكي بك اللي عاجزاً عـن دروبـك=لافاعـل ٍفعلـك ولاهـو مجنـبـك

وسلامتكــــــــــــــــم

**معلومات** **العضو** · 07-04-2009, 02:46 PM

الله الله الله

صح الله لساااان العلم والمدرسه الشعريه : رشيــد الزلامي

وانا اشهد انه صــدق لافاعلً فعلك وهو مجنبك

وبيض الله وجهش على النقل

ولاهنتي واشكرش

اخوش : محمــد المري

**معلومات** **العضو** · 07-04-2009, 03:20 PM

يعطيك العافيه يا الزين على القصيده

وصح الله لسان شاعرها

تقبلي تحيااااتي

**معلومات** **العضو** · 07-04-2009, 10:24 PM

اقتباس:

المشاركة الأصلية كتبت بواسطة محمد بن المنخس المري

الله الله الله

صح الله لساااان العلم والمدرسه الشعريه : رشيــد الزلامي

وانا اشهد انه صــدق لافاعلً فعلك وهو مجنبك

وبيض الله وجهش على النقل

ولاهنتي واشكرش

اخوش : محمــد المري

ومن قال مايهون ووجهك ابيض ياخوي