دواسرٍ لازعزعن العزاوي - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 25-11-2009, 04:51 AM   #1
 
إحصائية العضو







مطلق الحصان آل عمار غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الثالثة في صدى نبض القصيد
: 1

مطلق الحصان آل عمار is on a distinguished road


افتراضي دواسرٍ لازعزعن العزاوي

اخواني الاعزاء في هذى المنتدى الشامخ

السلام عليكم ورحمه الله وبركاته

انني اعتذر عن قله مشاركتي معكم وذلك لظروف اجبرتني عن الابتعاد وانني من خلال هذه الصفحه اتقدم بكبير العذر لقبيلتي عامه ولابناءها خاصه عن ابتعادي وانا فعلا
ما زلت في بعض الظروف اللتي لاتسمح بان يكون الانسان متواجداً باستمرار وانا حتى الآن دخولي هنا لاقدم لكم قصيده كتبتها عن قبيلتنا العريقه وان لم تكن القصيده كافيه فحق القبيله اكبر من قصيده ومن معلقات ولكن باصرار من بعض الاخوه جزاهم الله خير الجزاء دخلت لاطرحها لكم آآآآملاً ان ترتقي الى مسامعكم ولكم مني وافر الحب والاحترام

يقول منهو للمثايل هواوي=يتلّها تلّه زعاجيل الآقطاع
لامن بغيت القاف ماله ملاوي=ينقاد لي من جمله الفكر مطواع
برايقه تشعق بغيمه سناوي=وإليا احتما تظرب صواعق للآسماع
ينهلّ ماطرها وسيله نحاوي=الحق جذيبه في مغيبه إلى زاع
سخرّتها في مدح ربعي مهاوي=لعلّها توفي بوافين الآسناع
دواسرٍ لامن عوى كلّ عاوي=تقدم على الجزلات لامن دعا داع
دواسرٍ سمٍّ على كلّ غاوي=للسيف سيف ولطيب السلم بِتّاع
دواسرٍ لازعزعن العزاوي=توفي إلى قامت على الكيل بالصاع
دواسرٍ لاروّحو بالحداوي=تجزع سبور القوم مع كلّ مطلاع
دواسرٍ لاضيّعنّ الهقاوي=تآصل هقاويها وللحقّ قطّاع
دواسرٍ عوقٍ لعسر الدعاوي=لا أوحا عزاويها غدى له تجزّاع
دواسرٍلانوّخنّ البلاوي=جزّت حبال الهمّ عن كلّ ملتاع
دواسرٍتضرب بحدّ النقاوي=على الوعد فالوجه والسيف لمّاع
دواسرٍ حدٍّ رهيفٍ شقاوي=على العدا لا زاع من بين الآضلاع
دواسرٍرمحٍ شطيرٍسطاوي=إليا ضرب فالجوف حطّه تمزّاع
دواسرٍ منها يجظّ الغزاوي=من حدّهم يضرب تفاكيره ارباع
دواسرٍ فالطايلات العلاوي=يرسخ بها مجدٍّ على كلّ مذياع
دواسرٍ منهو نصاها جلاوي=ينزال همّه كنّ مالحقه اوجاع
دواسرٍ منها عجز كلّ راوي=يذكر فعايلها ومن كثرها ضاع
دواسرٍ مع كلّ مجدٍ تهاوي=ورسومها فالوقت من كلّ الآنواع
دواسرٍمعها تزول الشكاوي=واللي يشاكيها جلت عنه الارواع
دواسرٍ ضلعٍ طويلٍ صداوي=يرسي ولا هزّه من الوقت زعزاع
دواسرٍ تقطع رجيّ المناوي=امسى عشا للطير غادي له امزاع
دواسرٍجمٍّ غزيرٍ رهاوي=على الخوي برده على الكبد لافاع
دواسرٍ سارت بجيشٍ نداوي=في رايه اهل الدين ترفع لها شراع
دواسرٍ سارت بحث الخطاوي=يوم الملك في نجد للحكم نزاع
دواسرٍ سارت بليل حراوي = لفتح الرياض وكبّر الحق شعشاع
دواسرٍ والحق ماهوب ثاوي=يوم الرغامة في مقاديمها سباع
دواسرٍ حصن منيع وعراوي= للي لحقه من الليالي تجرّاع
دواسرٍ يوم الموسس يداوي=نجران في فتحه لها مركز وباع
دواسرٍ مازعزعتها المهاوي=جيزان في فتحه لها موقفٍ ذاع
دواسرٍيوم المحنّك قداوي=حدّ البريمي راح سوره تشلاّع
دواسرٍ يوم الرضيمه فداوي=جت له مقيّدت الجمل تسهج القاع
دواسرٍ في معركتها شفاوي=في وقعه الهدّار والروح تنباع
دواسرٍ يوم الشريف المكاوي=تناوشنّه عن زبينٍ شكا اللاّع
دواسرٍ واللي زبنهم خلاوي=يسلا ولا كنّه من الوقت مرتاع
دواسرٍ مع برك سارت تخاوي=تقدى عقيدٍ طيب فعله له اصداع
دواسرٍ فالمعتلا والضماوي=من دونه الحربات والخصم ينصاع
دواسرٍ مثل الشهاب السماوي=صمّ الجبال الشامخه حطّه اقطاع
دواسرٍ كم شيخ قومٍ نعاوي=تنعاه قومه راح راسه تفلاّع
دواسرٍ لامن تغلّى الغلاوي=باعت رخيص الروح من دون مهزاع
دواسرٍ من دون ستر الغطاوي=تموت مايكشف لها ستر وقناع
دواسرٍ تكسب كبار الغناوي=كم هجمةٍ زاعو بها بين الآفزاع
دواسرٍ لاطاح وسمٍ سخاوي=قطعانهم ترعاه في كلّ مرباع
دواسرٍ بالطيب ديمٍ حياوي=يروي ولا يجرح لوبله تتبّاع
دواسرٍبالفعل ماهي تراوي=تفعل ولاتنشد من الغير مطماع
دواسرٍ والعذر منها رجاوي=عجزت اعدّ فعول مجدٍّ لها شاع
وسلامه الجميع

وارجو السموحه اذا زدت حرف او انقصت وللجميع وافر الحب والاحترام الكبير

 

 

 

 

 

 

التوقيع



آخر تعديل مطلق الحصان آل عمار يوم 25-11-2009 في 05:09 AM.

    

رد مع اقتباس
قديم 25-11-2009, 05:13 AM   #2
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: دواسرٍ لازعزعن العزاوي

مطلق
صح لسانك واعتلى شانك
بيض الله وجهك يالقرم على هذه الرائعه
تقبل فائق الاحترام والتقدير لشخصك

 

 

 

 

    

رد مع اقتباس
قديم 25-11-2009, 05:18 AM   #3
 
إحصائية العضو







ابومبخوت الدوسري غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

ابومبخوت الدوسري has a spectacular aura aboutابومبخوت الدوسري has a spectacular aura aboutابومبخوت الدوسري has a spectacular aura about


افتراضي رد: دواسرٍ لازعزعن العزاوي

صح لسانك يامطلق على هذه الجزله
ومن طول الغايبات جاب الغنايم وجبتها بهالقصيدة الطيبة
بيض الله وجهك ولاهنت

تقبل مروري

 

 

 

 

    

رد مع اقتباس
قديم 25-11-2009, 05:42 AM   #4
 
إحصائية العضو







دغش بن حمد بن منصور غير متصل

دغش بن حمد بن منصور is on a distinguished road


افتراضي رد: دواسرٍ لازعزعن العزاوي

ارحب ثم ارحب ثم ارحب يالحصان ابن الحصان

صح الله السانك

صح الله اسانك

صح الله السانك



ياكحيلان ,, وبيض الله وجهك ,, على القصيده الجزله ,,

ولا نستغرب هذه الجزاله منك ,,, والله العظيم اني شوشت بعد ماقريت القصيده ,,

وياليت اسمعها مقطع صوت اذا تكرمت ؟ واتمنى منك تنزيلها في الموقع الشهير اليوتيوب فضلآ وليس أمرآ ؟

وانا والله اعتب على عدم ظهورك في ساحات الاعلام المرئي والمقروء

فما ادري يابو عبدالله هل انت مقصر من هذه الناحيه او القصور من الاعلام نفسه

وفي اعلاميه ؟؟؟


تقبل مروري المتواضع بحق قصيدتك الشامخه ,,


دغش بن حمد

 

 

 

 

    

رد مع اقتباس
قديم 25-11-2009, 05:56 AM   #5
 
إحصائية العضو







الساطي غير متصل

الساطي is on a distinguished road


افتراضي رد: دواسرٍ لازعزعن العزاوي

الله الله الله

الشاعر مطلق الحصان


هذه قصيدة من القصائد الجزله والوافيه

الله يبيض وجهك ويكثر من امثالك

لاهنت وصح لساااااااااااااااااااااااااانك مليار


تقبل مروري
الساطي

 

 

 

 

    

رد مع اقتباس
قديم 25-11-2009, 11:18 AM   #6
 
إحصائية العضو







محمد بن سالم الخضراني غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 2

محمد بن سالم الخضراني is on a distinguished road


افتراضي رد: دواسرٍ لازعزعن العزاوي

ارحب تراحيب المطر يامطلق

والله يحييك , وافي وجزل ولايجي منك الا الجزل

وانت من الشعراء الذين نفخر بوجوده

يامطلق الحصان ال عمار

تقديري وااحتراامي

 

 

 

 

    

رد مع اقتباس
قديم 25-11-2009, 01:04 PM   #7
 
إحصائية العضو








فارس الدبالين غير متصل

فارس الدبالين is on a distinguished road


:r-r-5: رد: دواسرٍ لازعزعن العزاوي

من طول الغيبات جاب الغنايم

صح السانك مية مليون ولا يكفون

بيض الله وجهك جزل ياامطلق جزل

ولاهنت على الشامخه اللي زاد من شموخها وجزالتها من قيلة فيه

وعزالله انك جبت مايشفعلك ويطلق وجهك يامطلق

اسجل اعجابي بك طال عمرك وبقصيدك الجزل

ولك تقديري واحترامي ...

 

 

 

 

    

رد مع اقتباس
قديم 25-11-2009, 02:33 PM   #8
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: دواسرٍ لازعزعن العزاوي


اررررررررررررررررررررررررررررررحب تراحيب المطر

الشاعر المبدع / مطلق الحصان آل عمـار

حياااااااك الله من نجران الى قصر برزااااان

و قيل من طوول الغيباااات جااااب الغنااايم

صح اللسانك مليووون ولا يوفون على هذه

الدره الرااائعه التي لا تأتي الا من راااس

جزل شرواك يا جزل ابيات تشوش الرااس

تبعد عن العنصريه زادها فخرا ً بانك جعلت

كلمة " دواسر " متفرده وحدها دون ذكر

لما سواها لانها شامله وعامه لكل من ينتمي

لهذه القبيلة العظيمه وهذا ديدنك لا تفرق ولا

تدعوا الى عنصريه حتى في معلقتك الشهيره

اسال الله ان يوفقك و يحرم وجهك عن النار

وتسلم يمنااك وجعل ما يجيها العطب

أخوك / ابو زيد

 

 

 

 

    

رد مع اقتباس
قديم 25-11-2009, 04:14 PM   #9
 
إحصائية العضو







ابوعويس غير متصل

ابوعويس is on a distinguished road


افتراضي رد: دواسرٍ لازعزعن العزاوي

قصيدة منقية
مرصعة بالدرر


جزلة ......... وافية ....... رائعة ........ الخ


لا أدري أي بيت انتقي منها
جميعها كأسنان المشط

صح لسانك ياأبوعيدالله


وبعدين رد السلام وأنت في نقطة (الربع)

 

 

 

 

 

 

التوقيع

    

رد مع اقتباس
قديم 25-11-2009, 05:51 PM   #10
 
إحصائية العضو







ابو حسين الدوسري غير متصل

وسام الدواسر الفضي: للأعضاء المميزين والنشيطين - السبب: النشاط والتميز
: 1

ابو حسين الدوسري is on a distinguished road


افتراضي رد: دواسرٍ لازعزعن العزاوي

دواسـرٍ منهـو نصاهـا جــلاوي
ينزال همّـه كـنّ مالحقـه اوجـاع
دواسـرٍ منهـا عجـز كــلّ راوي
يذكر فعايلها ومـن كثرهـا ضـاع
دواسـرٍ مـع كـلّ مجـدٍ تهـاوي
ورسومها فالوقت من كـلّ الآنـواع


بيض الله وجهك يالقرم
تحياتي

 

 

 

 

 

 

التوقيع

    

رد مع اقتباس
قديم 30-11-2009, 01:03 AM   #11
 
إحصائية العضو







مطلق الحصان آل عمار غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الثالثة في صدى نبض القصيد
: 1

مطلق الحصان آل عمار is on a distinguished road


افتراضي رد: دواسرٍ لازعزعن العزاوي

اقتباس:
المشاركة الأصلية كتبت بواسطة خميس مطر الغييثي مشاهدة المشاركة
مطلق
صح لسانك واعتلى شانك
بيض الله وجهك يالقرم على هذه الرائعه
تقبل فائق الاحترام والتقدير لشخصك
الاخ القدير ابومطر

صح بدنك ووجهك ابيض يالغالي

لك كل الشكر والتقدير

 

 

 

 

 

 

التوقيع



    

رد مع اقتباس
قديم 30-11-2009, 01:26 AM   #12
 
إحصائية العضو







مطلق الحصان آل عمار غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الثالثة في صدى نبض القصيد
: 1

مطلق الحصان آل عمار is on a distinguished road


افتراضي رد: دواسرٍ لازعزعن العزاوي

اقتباس:
المشاركة الأصلية كتبت بواسطة أبومبخوت الشكرة مشاهدة المشاركة
صح لسانك يامطلق على هذه الجزله
ومن طول الغايبات جاب الغنايم وجبتها بهالقصيدة الطيبة
بيض الله وجهك ولاهنت

تقبل مروري
حياك يابومبخوت

وصح بدنك

ووجهك ابيض يالغالي ولاتهون

تشرفت بمرورك

لك كل الشكر والتقدير

 

 

 

 

 

 

التوقيع



    

رد مع اقتباس
قديم 30-11-2009, 04:45 AM   #13
 
إحصائية العضو








محمد.الودعاني غير متصل

وسام الدواسر الفضي: للأعضاء المميزين والنشيطين - السبب: النشاط والتميز
: 1

محمد.الودعاني is on a distinguished road


افتراضي رد: دواسرٍ لازعزعن العزاوي

صح لساانك وبيض الله ووجهك والله يعطيك العااااافيه ياشاعرنااا المبدع

وتقبل مروري

محمد الخمااسين

 

 

 

 

    

رد مع اقتباس
قديم 05-12-2009, 10:53 AM   #15
 
إحصائية العضو








آلأرجــٌوآنْ غير متصل

آلأرجــٌوآنْ is on a distinguished road


افتراضي رد: دواسرٍ لازعزعن العزاوي

صح الله لسانك واعتلا شانك يالشاعر على هذه الشامخه وقبيلتك تستحق الاكثر بلاشك
بس الاكيد انك احد رموز هذه القبيله العريقه

تسلم يمينك لاعدمناااااااااااك

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 01:22 PM


Powered by vBulletin® Copyright ©2000 - 2024, Jelsoft Enterprises Ltd.
---