مساجلة ابن مدعث آل عمار وابن حران المري

[معلومات العضو ابن مدعث]

ياالطرقي اللي من خوى الراس تعبان
انصى النبايه قدم عينك هل الكيف

تلقى الدلال مقهوية كل عمسان
عند الرجال اهل الوفا والمعاريف

عند آل مدعث والمراجل لها شان
رقو بها في روس عالي المشاريف

الشاعر/محمد بن حران المري

.....الرد.....

يامرحبا ترحيبة (ن) يابن حران
تسوى كنوز الهند والصين وجنيف

يامرحبا(ن) إعداد همال الامزان
وإعداد ما انبت به من الوسم والصيف

واعداد مانجم بعالي السما بان
وإعداد ماهبت هبوب النفانيف

يالشاعر اللي لك معزه ولك شان
ولك لابة تارد بحد المراهيف

مرية لاجات زاغات الاذهان
ركبو على قب المهار المعاسيف

حريبهم من ضربهم يوم الاكوان
خلي عشا للطير من ضربة السيف

يامن بهم منهو من الضد بلشان
وتامن بهم سود(ن)من عمان لطريف

ناصر بن مدعث آل عمار

 

 

 

 

[معلومات العضو راشد المسعري]

صح لسانك ولسان ابن حران المري

ونعم باهل النبايه وال مدعث وال عمار كافة

 

 

 

 

[معلومات العضو ابن مدعث]

المشاركة الأصلية كتبت بواسطة راشد المسعري

صح لسانك ولسان ابن حران المري

ونعم باهل النبايه وال مدعث وال عمار كافة

صح بدنك يابو محسن ولا عليكم زوود

 

 

 

 

[معلومات العضو ساقان الدواسر]

اخي الفاضل : ابن مدعث يحفظه الله
صح لسانك يا شاعرنا وصح لسان ابن حران المري
والنعم با آل مدعث وآل عمار وكافه الدواسر

 

 

 

 

[معلومات العضو ساقان الدواسر]

تلقى الدلال مقهوية كل عمسان
عند الرجال اهل الوفا والمعاريف

عند آل مدعث والمراجل لها شان
رقو بها في روس عالي المشاريف

أخي الفاضل : ابن مدعث آل عمار يحفظه الله
تحيه لمقامكم العالي
أنشهد عند آل مدعث والمراجل لها شان والنعم بالجدان سلايل الشجاعة والكرم
قبايل آل عمار وبكم يا سلايل المجد والشجاعة